کتاب: کھڑکی کے اُس پار – کرونا کے شب و روز
مصنفہ: نعیم فاطمہ علوی۔
کھڑکی کے اُس پار – کرونا کے شب و روز ایک حساس دل رکھنے والی تخلیق کار کی وہ داخلی روداد ہے جو عالمی وبا کے دنوں میں گھروں کی خاموشی، خوف اور تنہائی کے بیچ لفظوں کی صورت زندگی پاتی ہے۔ یہ کتاب محض کورونا لاک ڈاؤن کی کہانی نہیں بلکہ ایک عام مڈل کلاس عورت کے احساسات، یادوں، رشتوں اور سچ کی تلاش کا سفر ہے۔
کھڑکی کے پار بدلتے موسم، سنسان گلیاں اور دھندلاتے منظر جہاں بیرونی دنیا کی تصویر پیش کرتے ہیں، وہیں اندر کی دنیا میں یادوں کے دریچے کھلتے ہیں—استادوں کی شفقت، دوستوں کی محبت، بچھڑنے والوں کا دکھ، اور سچ لکھنے کی جرات۔ مصنفہ نے بنا کسی رنگ آمیزی کے، سادہ مگر سچے اسلوب میں زندگی کے ان لمحوں کو قلم بند کیا ہے جو دل سے نکل کر دل تک پہنچتے ہیں۔
یہ کتاب محبت، حوصلہ افزائی اور انسانیت کے رشتے کو سلام پیش کرتی ہے اور یاد دلاتی ہے کہ کڑے سے کڑا وقت بھی تخلیق کے چراغ کو بجھا نہیں سکتا۔ ہر تحریر قدرت کی بھٹی میں پکا ہوا وہ آم ہے جس میں خلوص کی مٹھاس اور سچائی کی خوشبو رچی بسی ہے۔